Կուսակցության Վարչությունը կուսակցության մշտապես գործող ղեկավար մարմինն է, որը համագումարների միջև ընկած ժամանակահատվածում Կանոնադրության և համագումարների որոշումների համաձայն, Խորհրդի հետ միասին պատասխանատու է կուսակցության գործունեության համար, առավելապես կենտրոնանալով ամենօրյա գործունեության վրա։ Այն բաղկացած է 5 անդամից, ովքեր ընտրվում են Համագումարի կողմից գաղտնի քվեարկությամբ:
Կուսակցության Վարչության կազմն է՝
Հայկ Գրիգորյան
Ծնվել է 1984թ․ օգոստոսի 22-ին, Երևանում։
Կրթություն
2005թ ավարտել է ԵՊՀ իրավագիտության ֆակուլտետի բակալավրիատը։
2007թ ավարտել է ԵՊՀ իրավագիտության ֆակուլտետի մագիստրատուրան՝ Սահմանադրական իրավունք մասնագիտացմամբ։
2012թ ավարտել է Բելվյու քոլեջի հաշվապահական դասընթացը (ԱՄՆ)։
2013թ ավարտել է ԱՄՆ Վաշինգթոնի համալսարանի իրավագիտության դպրոցը՝ ստանալով Հարկային իրավունքի մագիստրոսի կոչում։
2022-23թ սովորել է քաղաքագիտություն Քեմբրիջի համալսարանում (Մեծ Բրիտանիա)։
Աշխատանքային փորձ
2005-2014թթ Աշխատել է ՀՀ աշխատանքի և սոցիալական հարցերի նախարարությունում, ՀՀ կենտրոնական բանկում, հանդիսացել է ԱՔՌԱ վարկային բյուրոյի գլխավոր իրավախորհրդատու, ապա աշխատել է ԱՄՆ Վաշինգթոն նահանգի ֆինանսական ինստիտուտների կառավարման վարչությունում որպես փորձագետ։
2009թ-ից ՀՀ փաստաբանների պալատի անդամ է։
2016թ-ից ԱՄՆ Քալիֆորնիա նահանգի փաստաբանների պալատի անդամ է։
Զբաղվում է մասնավոր փաստաբանական գործունեությամբ թե Հայաստանում և թե ԱՄՆ-ում։ Դրան զուգահեռ ԱՄՆ-ում զբաղվում է նաև անշարժ գույքի կառավարմամբ։
Հանրային-հասարակական գործունեություն
Սփյուռքում գործող մի շարք հասարակական/քաղաքացիական շարժումների համահիմնադիր/մասնակից է, այդ թվում՝ Հայոց համաժողով կառույցի հիմնադիր անդամ (2016թ) և Պարտադիր կենսաթոշակային համակարգի դեմ ծավալված “Դեմ եմ” քաղաքացիական նախաձեռնության հիմնադիր անդամ (2013թ)։ Հանդիսացել է Հիմնադիր խորհրդարանի փոխնախագահ (2015թ), եղել է Մենք ենք տերը մեր երկրի քաղաքացիական նախաձեռնության (2015թ) և Սահմանադրական բարեփոխումների դեմ ձևավորված նախաձեռնության հիմնադիր անդամ (2013թ)։
Նախկինում չի հանդիսացել որևէ կուսակցության անդամ։
Սամվել Մելիքյան
Ծնվել է 1987թ փետրվարի 26-ին, Երևանում։
2003-2009թթ սովորել է Հայաստանի Ֆրանսիական համալսարանում՝ իրավագիտության ֆակուլտետում՝ ստանալով բակալավրի ու մագիստրոսի կոչումներ Գործարարական իրավունք մասնագիտացմամբ։
Աշխատել է ՀՀ կենտրոնական բանկում որպես իրավաբան։
ՀՀ փաստաբանների պալատի անդամ է 2010թ-ից։ Զբաղվում է մասնավոր փաստաբանական գործունեությամբ։
Հանրային-հասարակական գործունեություն՝ Մենք ենք տերը մեր երկրի քաղաքացիական նախաձեռնության (2015թ) և Սահմանադրական բարեփոխումների դեմ ձևավորված նախաձեռնության հիմնադիր անդամ (2013թ)։
Նախկինում չի հանդիսացել որևէ կուսակցության անդամ։
Արամ Մանուկյան
Ծնվել է 1960թ հունիսի 18-ին, Երևանում:
1979-84թթ-ին սովորել է Երևանի Պոլիտեխնիկական Ինստիտուտում:
Աշխատել է որպես Արարատ Ֆարել ընկերության տնօրեն:
Մասնակցել է Արցախյան երկու պատերազներին որպես կամավոր:
Նախկինում չի հանդիսացել որևէ կուսակցության անդամ։
